Filosofi hidup bangsa Aceh (bagian V)
Lage apui lam seukeum
Leumah di lua hana sapeu nyum
Di dalam seuem
Tutong meubura
Lampoh meupageu
Umoeng meuateung
Uteun meutaloe
Nanggroe meuraja
 |
| ilustrasi |
Lam udep tameusare
Lam meugle tameubila
Lam lampoh tameutulong alang
Lam meublang tamesyedara
Lheuh bak misee
Meukeumat bak janggot
Lheuh bak angkot
Meukeumat bak taba
Lon ceumeucob ka patah jarom
Lon temeuom tutong tutong aso
Lon woe u rumoeh inong carot
Lon phe u langet angen
tampoe
Lon preh gata wahe linto
Bak rumoeh jambo malam jula
Diseuramoe kalon atoe
Bantai kasoe sipre sutra
Mangat-mangat gule labu
Na siegeutu lupah sira
Mangat-mangat ureung meumadu
Na sigeutu leupah haba
Menyoe mantong tapajoh
Mantong tatoh
Meunyoemantong reudoek digle
Mantong sabe ie raya teuka
Menyoe bu bu bit
Menyoe ie ie bit
Menyoe inong
Inong aceh bak keubit-keubit
Menyoe ta benci
Syiet leupe daleh
Meunyoe tagaseh
Salah pieh beuna
Menyoe na tauseuha
Dak han kaya taduek seunang
Menyoe hana tauseuha
Pane atra rhet di manyang
Meumise bek tasangka tupee
Meujangkot bek tasangka udeung
Meuseureuban bek tasangka lubee
Hana droeh neuh thei ka pancuri ureung
Meuseubab tanyoe gasin
Hana soe ngieng meusiblah mata
Gob dikab eungkot sie
Tanyoe rhoe ie mata
Meunyoe tan peng lam jaroe
Supot lam nanggroe peungeuh lam rimba
Meunyoe na peng dalam jaroe
Bak ureung nanggroe keu geutanyoe seutia
.jpg)
.jpg)
0 komentar:
Post a Comment