Hadih maja : Filosofi Hidup Orang Aceh

ilustrasi

Lage buet sigam bugai

Abeh asoe sumpoi kai

Lage ureung hantom beh puteng rukoek

Beunteung ngon tukok pih pasoe lam raga

Lage geupeh gendrang

Meunan tanari

Lage batee tatiek lam ie

Lage sie tajok keu buya

Lage nanggroe tan raja

Lage sagoe tan peutua

Lagei pucok siron

Hoe angen pot keunan lunton

Lage bui drop asap

Lage meungap reugam angen

Lage keubeu bloh lam paya

Soe yang dikeu nyan keuh raja

Laen bangsa laen adat

Laen teumpat laen raja

Laen timu laen barat

Laen teumpat laen rupa

Lama inong gleung semeupoh

Lhok pawoh gleung meuputa

Lam geureupoh ta peulheuh musang

Lam raga pisang ta peulheuh tupe

Lampoh meupageu umong meupitak

Nanggroe meusyarak maseng na raja

Langet singet awan peutimang

Bumoe reunggang ujeu peurata

Langkah raseuki peutumen mawot

Hana kuasa tanyoe hamba

Le krueng le lingkok

Le uteun le peulandok

Leubeh prang aceh

Hana leubeh prang keumala

Leumoe ka ek tabloe

Taloe han ek tapeuna

SuA Atjeh