Filosofi Hidup Bangsa Aceh PART 5
Keunong siblah tabu jareung
Keunong sikureueng rata-rata
Keunong tujoh jeut shiet mantong
Keunong limoeng ulat seuba
Keueung-keueng campli awe
Pane sabe ngon campli cina
Tari-tari dara bineh gle
Pane ek sabe ngon dara di kuta
Keupeu guna bude menyoe tan ubat
Keupeu guna rakyat meutan panglima
Menyoe tan dumnan adoe meutuah
Buet sia payah han ek samporeuna
 |
| ilustrasi |
Keureuleng heungkang heut keu abeuk
Keureuleng kuek heut keu paya
Menyoe koen sinan le cangguk
Pubuet eunggang keunan teuka
Keureuleng keube meuheut keu kubang
Keureuleng enggang meuheut keu paya
Menyoe inan tan cangguek phang
Pubuet enggang keunan teuka
Khem meuhak-hak saleuk iblih
Khem meu hih hih saleuk guda
Khem teusenyom saleuk bak teungku
Khem sigeutu saleuk ulama
Kira keu boh panjoe
Boh meuria masak di bak
Kira keu untong gob
Untong droe meusak garak
Kulat pak di meulaboh
Kulat goh di meurasa
Ureung rap han meuteumei pajoh
Ureung jioh meutemei rasa
.jpg)
.jpg)
0 komentar:
Post a Comment